Perioral dermatitis

Perioral Dermatitis er nokkuð algengur húðsjúkdómur. Kemur oftar fyrir hjá konum. Sumir fá sjúkdóminn endurtekið jafnvel einu sinni á ári. Margir telja Perioral Dermatitis vera skyldan Rosacea húðsjúkdómnum (Rósroða). Orsök er óþekkt. Upp hafa komið tilgátur um of mikil notkun andlitskrema geti valdið þessu, eða óþekktur sýkill. Vitað er að breytingarnar geta komið noti fólk sterk kortisónkrem í andlitið í nokkurn tíma.

Ástandið lýsir sér með litlum upphækkunum í húðinni kring um munninn, ásamt breytingum sem líkjast örsmáum graftrabólum. Stundum sjást einungis bólur og roði kring um nasavængina, sérstaklega hjá börnum Roði er og oft vægar exembreytingar. Dæmigert er að húðin næst vörunum er oftast ósýkt. Stundum eru breytingarnar ofar í andlitinu, td kring um augun.

Með réttri meðferð eru batalíkur góðar. Oftast nægir sýklalyf af Tetracýklín flokki í nokkrar vikur til að lækna sjúkdóminn til dæmis Doxylin. Einnig er hægt að nota sýklalyfin Ery-Max. Í vægum tilfellum má nota útvortis lyf svo sem Metronidazol krem, Skinoren krem eða Finacea gel.


perioral-dermatitis2

perioral-dermatitis-pictures-1

Nánar á (enskur texti):
dnnz-small
Húðlæknastöðin - Smáratorgi 1, 201 Kópvogur - s. 5204444 - fax. 5204400 - Skiptiborðið opið 9-12 og 13-15:30